Joriy yilning 25 aprel kuni “Paxta sanoati texnologiyasi” fakulteti  talaba-yoshlari o’rtasida 2017-2018 o‘quv yili uchun mo‘ljalangan Ma’naviy-ma’rifiy yo‘nalishlar bo‘yicha amalga oshiriladigan tadbirlar rejasida belgilangan vazifalar ijrosini ta’minlash va talabalar bo‘sh vaqtini mazmunli o‘tkazish maqsadida Talabalar turar joyida  “Mini futbol” hamda “Voleybol” bo‘yicha sport o’yini tashkil etildi.

 

 

Joriy yilning 25 aprel kuni O‘zbekiston Respublikasi Prezidentining 2018 yil 14 fevraldagi “Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatidan yangi tizimni joriy etish to‘g‘risida”gi PQ-3528-sonli qarorida belgilangan vazifalar hamda O‘zbekiston Respublikasi Oliy va o‘rta maxsus ta’lim vazirligi hamda O‘zbekiston Respublikasi Xalq ta’limi vazirligining 2018 yil martdagi Toshkent shahridagi oliy ta’lim muassasalari va umumta’lim maktablari o‘rtasidagi hamkorlikni yanada mustahkamlash to‘g‘risida”gi 30q/q 18-sonli qarori ijrosini ta’minlash maqsadida Toshkent to‘qimachilik va yengil sanoat instituti “Paxta sanoati texnologiyasi” fakulteti jamoasi Shayhontoxur tumanida joylashgan 92-sonli umumta’lim maktabi o‘quvchilari bilan uchrashuv tashkil etildi. Ushbu tadbirda maktab direktori G.A.Alimuxamedova, “Paxta sanoati texnologiyasi” fakulteti ma’naviy-ma’rifiy ishlar bo‘yicha dekan muovini I.Yusupov, “Texnologik mashinalar va jihozlar” kafedrasi assistenti A.Atajanov hamda o‘quvchilar ishtirok etishdi. Tadbir doirasida Vatanimizning salohiyati, ma’naviy-ma’rifiy, ijtimoiy-iqtisodiy imkoniyatlari nechog‘li ulkan ekanligi, yurtimizning qadimiy va boy tarixi, ulug‘ ajdodlarimiz va ular qoldirgan madaniy meros bashariyat madaniyati va rivojiga qo‘shgan ulkan hissasi haqida so‘z yuritildi. Bugungi kunda yosh avlodni har taraflama yetuk barkamol qilib tarbiyalash, ularga bilim berish va kelajak uchun zarur mutaxassislar qilib voyaga yetkazish eng dolzarb masalalardan biri ekanligi, farzandlarimizning baxtu iqboli davlat siyosati darajasiga ko‘tarilgan mamlakatimizda ularning bizdan ko‘ra kuchli, bilimli, dono va albatta, baxtli bo‘lishlari yo‘lida barcha imkoniyatlar ishga solinayotgani, yurtimizning turli go‘shalarida qad rostlayotgan, jahon standartlariga to‘liq javob beradigan zamonaviy o‘quv dargohlari, sport-sog‘lomlashtirish inshootlari, barcha-barchasi fikrimizning yaqqol misolidir deya tadbirda o‘quvchi-yoshlarga alohida ta’kidlab o‘tildi.

Toshkent to‘qimachilik va yengil sanoat insituti huzuridagi ilmiy darajalar beruvchi DSc. 27.06.2017.T.08.01 raqamli ilmiy kengash qoshidagi ilmiy seminar yig’ilishi  2018 yil 1 may kuni soat  14:00 da insitutning birinchi binosi, 222-xonada bo‘lib o‘tadi.

Kun tartibi:

1. Doktorant Ubaydullayeva Dilora Hamidovnaning 05.06.02- “To‘qimachilik materiallari texnologiyasi va xomashyoga  dastlabki ishlov berish” ixtisosligi bo‘yicha bajargan “Press asosli tukli trikotaj to‘qimalari olish texnalogiyasini takomillashtirish va to‘qima sifatini ilmiy-amaliy asoslash” mavzusidagi (PhD) dissertatsiya ishi muhokamasi.
Ilmiy rahbar, t.f.d.,dots. N.R.Xanxadjayeva

2. Mustaqil izlanuvchi Raxmatullinov Farrux Faridovichning 05.06.02- “To‘qimachilik materallari texnologiyasi va xom-ashyoga dastlabki ishlov berish” ixtisosligi bo‘icha bajargan “Paxta tolasi pishib yetilganligi bo‘yicha saralash asosida ip sifatini yaxshilash” mavzusidagi (PhD) dissertatsiya ishi muhokamasi.
Ilmiy rahbar, t.f.d.,prof. Q.Jumaniyazov