Bosh sahifa Institut Yangiliklar
Yangiliklar

Печать

O‘zbekiston Respublikasi Prezidentining qarori

O‘zbekiston Respublikasi Prezidentining 2017-yil 20-apreldagi “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909-sonli qarori ijrosini ta’minlash, shuningdek, oliy ta’lim va ilmiy-tadqiqot muassasalari xodimlarining mehnatiga haq to‘lash tizimini yanada takomillashtirish maqsadida:

1. O‘zbekiston Respublikasi Moliya vazirligi, Oliy va o‘rta maxsus ta’lim vazirligi, Bandlik va mehnat munosabatlari vazirligining 2018-yil 1-sentabrdan boshlab bazaviy lavozim maoshlari miqdorlarini tabaqalashtirilgan holda:
oliy ta’lim muassasalari rahbar xodimlari va professor-o‘qituvchilarining – o‘rtacha 25 foizga va stajer-o‘qituvchi hamda fan doktori ilmiy darajasiga ega professor ish haqining miqdorlari o‘rtasidagi tafovutni ikki baravargacha oshirish;
ilmiy-tadqiqot muassasalarining fundamental, amaliy tadqiqotlar ilmiy-texnik dasturlarini amalga oshirish va innovatsiya ishlarida ishtirok etayotgan ilmiy xodimlarining – o‘rtacha 25 foizga va stajyor-tadqiqotchi hamda fan doktori ilmiy darajasiga va professor ilmiy unvoniga ega bosh ilmiy xodim ish haqining miqdorlari o‘rtasidagi tafovutni ikki baravargacha oshirish to‘g‘risidagi taklifiga rozilik berilsin.

2. Belgilab qo‘yilsinki, 2018-yil 1-sentabrdan boshlab:
bazaviy doktoranturada ta’lim olayotgan shaxslarga – ilmiy unvon yoki ilmiy darajaga ega bo‘lmagan (2 yilgacha ilmiy faoliyat tajribasiga ega bo‘lgan) kichik ilmiy xodimning lavozim maoshi bazaviy miqdorlariga tenglashtirilgan stipendiyalar;
doktoranturada ta’lim olayotgan shaxslarga – fan nomzodi (yoki falsafa doktori (PhD) darajasiga va xorijiy davlatlarning tegishli mutaxassislik bo‘yicha unga tenglashtirilgan boshqa ilmiy darajalariga) ilmiy darajasiga yoki ilmiy unvonga ega bo‘lgan yetakchi ilmiy xodimning lavozim maoshi bazaviy miqdorlariga tenglashtirilgan stipendiyalar to‘lanadi.

3. O‘zbekiston Respublikasi Vazirlar Mahkamasi 2018-yil 1-iyulgacha:
oliy ta’lim muassasalarining rahbar xodimlari va professor-o‘qituvchilari, shuningdek, boshqa xodimlari mehnatiga haq to‘lash bo‘yicha bazaviy lavozim maoshlarini;
ilmiy-tadqiqot muassasalarining fundamental, amaliy tadqiqotlar ilmiy-texnik dasturlari loyihalarini amalga oshirish va innovatsiya ishlarida ishtirok etayotgan ilmiy hamda rahbar xodimlarning bazaviy lavozim maoshlarini ushbu qaror talablaridan kelib chiqqan holda byudjet mablag‘lari hisobidan qayta ko‘rib chiqsin.

4. O‘zbekiston Respublikasi Moliya vazirligi Oliy va o‘rta maxsus ta’lim vazirligi, Innovatsion rivojlanish vazirligi, Fanlar akademiyasi hamda boshqa manfaatdor vazirliklar va idoralar bilan birgalikda ushbu qarorda belgilangan tadbirlarni amalga oshirish bilan bog‘liq xarajatlarni o‘z vaqtida moliyalashtirilishini ta’minlasin.

5. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari – moliya vaziri J.A.Qo‘chqorov zimmasiga yuklansin.

O‘zbekiston Respublikasi Prezidenti     Sh.MIRZIYOYEV

Toshkent shahri, 2018-yil 5-aprel                                                                                                                            http://www.uza.uz/uz/documents/

 
 

Печать

2018 yil 5 may kuni soat 14:00 da 1-222 xonadailmiy darajalar bеruvchi DSC.27.06.2017.Т.08.01 raqamli ilmiy kеngash yig`ilishi bo`lib o`tadi.

Kun tartibi:
 
Tuychiev Timur Ortikovichning 05.06.02-“To’qimachilik materiallari texnologiyasi va xomashyoga dastlabki ishlov berish” ixtisosligi bo’yicha “Paxtani tozalash texnologik jarayoniga tayyorlash va ta’minlagichni takomillashtirgan holda tozalash mashinasi samaradorligini oshirish” mavzusidagi texnika fanlari bо‘yicha falsafa doktori (PhD) dissеrtatsiyasining himoyasi.

Ilmiy kеngash ilmiy kotibi
               t.f.d., profеssor     A.Z. Mamatov

 
 

Печать

O‘zbekiston Respublikasi Vazirlar Mahkamasining 2017 yil 19 sentyabrdagi “Vazirlik va idoralar hodimlarini tashkiliy ravishda teatrlarga tashrif buyurishini tashkil qilish, teatrlar hamda ijodiy jamoalarning respublika bo‘ylab gastrol safarlarini amalga oshirish chora-tadbirlari to‘g‘risida”gi 144-sonli majlis bayoni ijrosini ta’minlash yuzasidan joriy yilning 19 aprel kuni Surxondaryo viloyati musiqali drama teatri O‘zbek Milliy akademik drama teatrida Usmon Azim asari asosida sahnalashtirilgan “Alpomishning qaytishi” nomli spektaklga “Paxta sanoati texnologiyasi” fakulteti ma’naviy-ma’rifiy ishlar bo‘yicha dekan muovini I.I.Yusupov boshchiligida fakultet talaba-yoshlari tashrif buyurishdi.Spektakl xalq og‘zaki ijodining mahsuli bo‘lgan, ming yillik tarixga ega Alpomish dostoni misolida, xalqimiz o‘tmishi, bugungi zamon qahramonlari timsol qilib olingan. Kishilar orasida mehr-oqibat rishtalarini mustahkamlash, milliy an’ana va qadriyatlarimizni asrab-avaylash, mardlik va jasorat tuyg‘ularini namoyon etish kabi yuksak g‘oyalarni targ‘ib etuvchi “Alpomishning qaytishi” spektakli sahnalashtirildi. Ushbu spektakl turli millat va elat vakillari bir tanu, bir jon bo‘lib yashayotgan yurtimizda, millatlararo totuvlikni yanada mustahkamlash, vatanni sevish, milliy qadriyatlar va an’analarni ulug‘lash, o‘zaro mehr-oqibat, ahillik va hamjihatlik, mardlik va jasorat, vatanpavarlikni targ‘ib etishda muhim ahamiyatga egadir.Talaba-yoshlar teatrdan madaniy xordiq olib, katta taassurotlar bilan qaytishdi.

 
 

Печать

Joriy yilning 20 aprel kuni O‘zbekiston Respublikasi Prezidentining 2018 yil 14 fevraldagi “Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatidan yangi tizimni joriy etish to‘g‘risida”gi PQ-3528-sonli qarorida belgilangan vazifalar hamda O‘zbekiston Respublikasi Oliy va o‘rta maxsus ta’lim vazirligi hamda O‘zbekiston Respublikasi Xalq ta’limi vazirligining 2018 yil martdagi Toshkent shahridagi oliy ta’lim muassasalari va umumta’lim maktablari o‘rtasidagi hamkorlikni yanada mustahkamlash to‘g‘risida”gi 30 q/q 18-sonli qarori ijrosini ta’minlash maqsadida Toshkent to‘qimachilik va yengil sanoat instituti “Paxta sanoati texnologiyasi” fakulteti jamoasi Shayhontoxur tumanida joylashgan 85-sonli umumta’lim maktabi rahbariyati, ota-onalar hamda o‘quvchi-yoshlar bilan uchrashib qaytishdi.    Ushbu uchrashuv tadbirida maktab direktori B.U.Maxmudxodjaev, “Paxta sanoati texnologiyasi” fakulteti ma’naviy-ma’rifiy ishlar bo‘yicha dekan muovini I.I.Yusupov, “Tabiiy tolalarni dastlabki ishlash texnologiyasi” kafedrasi dotsenti X.S.Usmanov, “Texnologik mashinalar va jihozlar” kafedrasi assistenti A.B.Atajanov, ota-onalar hamda o‘quvchi-yoshlar ishtirok etishdi.Tadbirda biriktirilgan maktab rahbariyati, ota-onalar va o‘quvchilar bilan umumta’lim maktabida tahsil olayotgan o‘quvchilarning ilm-fan va kasb-hunarga bo‘lgan qiziqishini kuchaytirish, institut professor-o‘qituvchilarining ilmiy-pedagogik salohiyati va tajribalaridan samarali foydalangan holda ilg‘or o‘qitish uslublarini umumta’lim maktablaridagi ta’lim jarayoniga mos ravishda tatbiq etish kabi muhim va dolzarb vazifalarni hamkorlikda amalga oshirish haqida fikrlar bildirildi.Shuningdek, mamlakatimizda barkamol avlod tarbiyasiga yuksak e’tibor qaratilishi – barchamizning yutug‘imiz ekanligi, sog‘lom va barkamol avlodni tarbiyalash, yoshlarning o‘z ijodiy va intellektual salohiyatini ro‘yobga chiqarishi, ularni har tomonlama rivojlangan shaxslar etib voyaga etkazish uchun zarur shart-sharoitlar va imkoniyatlarni yaratish bo‘yicha amalga oshirilayotgan keng ko‘lamli chora-tadbirlar aynan o‘sha sa’y-harakatlar samarasi ekanligini ta’kidlab o‘tildi. Uchrashuv davomida maktab hayoti, o‘quv jarayoni, ta’lim sifati, o‘quvchilar davomat masalasi hamda xududlar holati o‘rganildi.
 
 

Печать

O‘zbekiston Respublikasi Oliy va o‘rta maxsus ta’lim vazirligi hamda O‘zbekiston Respublikasi Xalq ta’limi vazirligi, Toshkent shahridagi oliy ta’lim muassasalari va umumta’lim maktablari o‘rtasidagi hamkorlikni yanada mustahkamlash to‘g‘risida qo‘shma qaror imzolangan. Ushbu qo‘shma qaror ijrosini ta’minlash maqsadida joriy yilning 20 aprel kuni Toshkent to‘qimachilik va engil sanoat institutining madaniyat saroyida umumta’lim maktab o‘qituvchilari hamda o‘quvchilari uchun “Nihol” teatr studiyasining Erkin Vohidovning “Ikkinchi tumor” asari asosida spektakl namoish etildi. Shuningdek, institutda talaba-yoshlarga yaratilgan shariotlar hamda institutda joylashgan o‘quv sinov lаbаrotoriyasi, “To‘qimachilik matolari texnologiyasi” kafedrasining lаborаtoriyasi bilan yaqindan tanishtirildi.

 
 

Sahifa 2 из 192

Bizning manzil

O`zbekiston Respublikasi, Toshkent shahri, Yakkasaroy tumani, Shoxjahon ko`chasi, 5 uy


Ishonch telefonlari:
0-371-253-32-02
0-371-253-36-17

titlp_info@edu.uz
rector@titli.uz

OO`MTV ishonch telefoni
 1006

Foydali saytlar

www.press-service.uz
O`zbekiston Respublikasi Prezidentining matbuot xizmati
www.gov.uz
O‘zbekiston Respublikasining Hukumat portali
www.universityjournal.ru
НОВЫЙ УНИВЕРСИТЕТ- рецензируемый научный журнал
www.ziyonet.uz
Axborot ta`lim tarmog`i
www.lex.uz
Qonun hujjatlari ma`lumotlari milliy bazasi
www.edu.uz
O`zbekiston Respublikasida ta`lim
www.magisterjournal.ru
ВЕСТНИК МАГИСТРАТУРЫ - Научный журнал

Статистика

No valid database connection Table './titli-new/jos_jstats_ipaddresses' is marked as crashed and should be repaired SQL=SELECT count(*) AS nbr_of_visits, w.tld AS tld, t.fullname AS full_name, count(*) AS total_visits FROM jos_jstats_ipaddresses w LEFT JOIN jos_jstats_topleveldomains t ON(t.tld = w.tld) LEFT JOIN jos_jstats_visits v ON(v.visitor_id = w.id) WHERE (1=1) AND (1=1) AND w.type=1 GROUP BY tld ORDER BY nbr_of_visits DESC, t.fullname ASC
Top 0:
0 visits from 0 countries